Li gor malpera Netkurd, Komeleya Lêkolînên Akademîk û Foruma Demokrasiya Kurd, di 25'ê çiriya paşîn (november) de li Anqereyê bi navê "Kurd çawa li pirsgirêka kurd dinihêrin" konferansekê li dardixe.

Serokê giştî yê DTP'ê Ahmet Turk, serokê giştî yê Hak-Parê Abdulmelîk Firat, wezîrê berê û serokê Tevgera Kurdên Azad Şerafettîn Elçî, serokê giştî yê HADEPê yê berê Murat Bozlak, sosyolog Îsmaîl Beşîkçî dê wekî axêver beşdarê konferansê bibin û bi vê konferansê tê hêvîkirin ku di navbera kurdan de dîyalogek bê li darxistin, ji bo çareseriyê nêrîneka hevpar derkeve holê.